Faqe e parё|Lidhje|Komente

Një CD me këngët e Festivalit Shën Mitër – U incizuan mbi CD katërmbëdhjetë këngët që morën pjesë në Festivalin XXIV e Këngës Arbëreshe, që u zhvillua vjet Shën Mitër. Vepra, shumë profesionale, u realizua nga CDM e Spixanës për llogari të Administratës së Bashkisë së Shën Mitrit dhe të Shoqatës Kulturore Festival. Përmbahen në të këngët pasuese: Nëng të dua më nga Claudio La Regina; Më se një vuxhë, një këndim nga Debora Baffa; Jeta arbëreshe është e bukur nga Michele Bloise; Rrimi bashkë u e ti nga Grupi artistik Zjarri i ri; Mendimet e mallit nga Francesco Ferraro; Pellegrini i madh nga Maria Teresa Sammarro; Shën Mëria nga Letizia Aita; Ujët nga Maria Antonietta Marcovicchio; Ti ku je? nga Vincenzo Rimola; Karol nga F.lli Scaravaglione; Sa herë nga Emanuele Manes dhe Annarita lusi; Dua të rronj nga Emiliana Oriolo; Pastoqe nga Grupi Ata ka Spixana; Tsunami nga Grupi Jemi dhe bashkë. Kapaku i këtij CD përmban tabelën nderi e Festivalit, domethënë emrat e atyre që e fituan atë ose që e patën çmimin e kritikës. Me këtë punë, e realizuar me ndihmën e Bashkësisë Europiane, e Krahinës së Kalabrisë, e Provinçës së Kozencës, ua jepet më në fund amatorëvet të shumta të muzikës arbëreshe një vegël për shpërhapjen e pjesavet që morën pjesë në Festivalin e parafundit. Gjithashtu, në ditët e afërme, do të realizohet një CD me këngët e shfaqjes së fundit, kështu si parashikohet në rregullorjen për pjesëmarrjen në konkursin për këngë të pabotuara në gjuhën arbëreshe e/ose shqipe të krijuar në vitin 1980 nga Av. Giuseppe D'Amico në gjurmët e suksesit që fitonin këngët arbëreshe nga ana e dëgjuesvet të radiojes Skanderbeg etj. Bashkia e shpërndan CD-në falas. Së shpejti edhe botimi i vëllimit Histori e Festivalit të Këngës Arbëreshe dhe incizimi i këngëvët që e kanë fituar Festivalin gjatë vjetëve.