Faqe e parё|Lidhje|Komente

Rezultatat e konkursit “papàs Giuseppe Faraco”   Shën Mitër. Të martën pasdite, në sallën e teatrit të kullexhit të Shën Drianit, u mba dhënia e çmimevet, për fituesit e “konkursit të 1rë ndërkombëtar papàs Giuseppe Faraco. Njohja e Arbërisë nëpërmjet fotografisë dhe teknologjivet multimediale”. Dy degat: fotografia dhe vepra multimediale. Për sa i takon degës së parë një komision përkatës e vlerësoi si punë më të mirë atë e konkurruesit Antonio Capparelli nga Ferma, me fotografinë “Elezioni comunali a Firmo” (“Zgjedhjet komunale Fermë”); në vendin e dytë Carlo Pellicano nga Frasnita, me fotografinë “Skanderbeg e la roccia” (“Skanderbeg dhe shkëmbi”); në vendin e tretë Costa D’Amico nga Shën Mitri, me figurën sugjestive “Skanderbeg libero nel cielo di Roma” (“Skanderbeg i lirë në qiellin e Romës”). Fituesi i degës multimediale qe Orlando Capparelli nga Ferma, me punën “Firmo 2004” (“Ferma 2004”); në vendin e dytë Francesco Bruno nga Çivëti me filmin “Il principe Alessandro” (“Princi Aleksandër”); në vendin e tretë Franco Ponte nga Shën Mitri, me filmin “Eventi a S. Demetrio Corone - anno 2004” (“Ngjarje Shën Mitër në vitin 2004”). Fituesit e vendit të parë në dy degat patën si çmim një pllakëz dhe 250 euro, fituesit e vendit të dytë një pergamenë dhe 150 euro, dhe fituesit e vendit të tretë 100 euro me një pergamenë. Njëqind e shtatë fotografitë dhe dhjetë filmat u projektuan për publikun dhe u shpjeguan gjatë shfaqjes, me ndihmën informatike e teknikut Cosimo Mauro. Mbrëmja, e udhëhequr nga gazetari Pasquale De Marco, në prani të të vëllaut të zotit Faraco, Vincenzo me të shoqen e të bilën bashkë me të motren Nina, i dha fund një nisme me një nivel të lartë kulturor, që presidenti i Shoqatës Arbitalia, Pino Cacozza, kishte nisur në verën që shkoi e që solli përpara edhe me ndihmen e Bashkivet, shoqatavet kulturore dhe dy sponsorizuesvet. E gjitha kjo e kujtoi shtatë vjet pas vdekjes figurën e zotit Faraco, burr i besës dhe i kulturës, studiues i traditavet arbëreshe dhe udhëheqës shpirtëror i famullisë shënmitrote për tridhjetë vjet. I ofruan pauza muzikore me këngët e tyre Michele Baffa, Alfio Moccia, Vittoria Di Nardo dhe Ernesto Iannuzzi, grupet Vuxhet Arbëreshe e Peppa Marriti Band.  Adriano Mazziotti “Il Quotidiano”, 03 novembre 2005   Alcuni momenti della manifestazione .   Cantanti Ospiti Premiati Sezione foto (3° posto) Sezione foto (3° posto) Sezione foto (2° posto) Sezione foto (2° posto) Sezione foto (1° posto) Sezione foto (1° posto) Sezione foto (1° posto) Sezione video (1° posto) Sezione video (1° posto) Sezione video (2° posto) Sezione video (3° posto)