Faqe e parё|Lidhje|Komente

Shën Mitër. Festa e Dritës, që në ritin latin karakterizohet nga adhurimi i Priftërinjvet Magjistarë, në liturgjinë lindore – tipike e komunitetevet arbëreshe e Kalabrisë të lidhura akoma me ritin greko-bizantin – thirret “Teofania” (shfaqja e hyjnisë së Krishtit).Ceremonitë më të veçanta dhe plot kuptim fetar, që e karakterizojnë festën, do të mbahen në mëngjes në dy komunitete arbëreshe: Shën Mitër dhe Strigar.Në dy katundët, festa e Epifanisë përfshin leximin e pjesës së Ungjillit, që kujton zbritjen e Shpirtit Shenjtë dhe pagëzimin e Zotit Krisht në ujërat e Jordanit.Shën Mitër kemi takimin me ceremoninë e posaçme e “Fluturimit të Pëllumbit.Kur mbaron mesha, në orën 11,30, të krishterët e pasojnë zotin në përtësjon deri në sheshin Strigari. Këtu një pëllumb i lidhur me një pe shket nga dritësorja më e lartë e pëllasit kundrela, dhe qëndron mbi buzës së kroit të sheshit (në fotografi). Në këtë moment zoti Andrea Quartarolo zhyt kryqin tri herë në ujë përpara pëllumbit (Shpirti i Shenjtë) “të kallartur” ka Ynzot.Pasi e ka lënë shpendën të lirë, meshtari, duke e spërkatur ujët me një degë rozmarine, i bekon gjithë të krishterët që shkojnë dhe e puthin kryqin.Njëkohësisht, Strigar mbahet një ceremoni tjetër e lidhur me shfaqjen e hyjnisë së Krishtit.Kur mbaron Liturgjia Hyjnore, të krishterët e pasojnë në përtësjon zotin Pietro Minisci, deri në lumin “Sabatino”, që i përcakton kufijtë midis Bashkivet të Strigarit dhe të Vakaricit, pikërisht nën urës së udhës provinciale që i lidhen dy katundët.Pasi e ka lexuar pjesën e Ungjillit që kujton pagëzimin e Krishtit, zoti e bekon ujët e lumit dhe zhyt kryqin në të (në fotografi). Të krishterët i mbushin shishet dhe kështu e ruajnë ujët për gjendje të veçanta ose për bekimin e shtëpivet.Duke u kthyer mbë shtëpi këndohet “Cuçanina”, një ninullë arbërisht e kushtuar Shën Bombinit, me statujëzën brenda një shporteje.