Faqe e parё|Lidhje|Komente

Festivali i këngës arbëreshe:pesëmbëdhjetë këngët në garë Shën Mitër – Pesëmbëdhjetë janë këngët që do të maten për të fituar Festivalin e Këngës Arbëreshe, që do të mbahet ditën 19 gusht, e shtunë, Shën Mitër. Në këtë rast një komision popullore, që i përfaqëson të gjitha fshatrat arbëreshe, do t’e zgjedhë këngën mbretëreshe e Festivalit dhe do t’i japë çmimet dhe dëshmitë shpërblimi, ashtu si parashikohet në rregullorjen e shfaqjes këngëtare. Pasojnë këngët, sipas rendit ekzekutimi: Të mirat e zëmëres – I beni del cuore (Michele e Giuseppe Baffa, Anna Maria Vitteritti); Nata më e zezë – La notte più nera (Caterina e Michele Bloise); Shqiponjat e Arbërisë – Le aquile dell’Arbëria (Pino Cacozza, Ernesto Iannuzzi, grupi etnik Shqiponjat); U rrita lule – Sono cresciuta come un fiore (Claudio La Regina); Një fjalë arbëreshe – Una parola arbëreshe (Luisa Bomentre); Një ëngjëll nga qielli – Un angelo dal cielo (Egert Pano); Një ditë festje – Un giorno di festa (Vincenzo Guaglianone); Nd’atë kandinë – In quella cantina (Grupi Ata ka Spiana); Nje djalë – Un bambino (Maria Antonietta Marcovicchio); Një vjershë e re – Un canto nuovo (Raffale Bloise); Thuajme ku u bore, lule – Dimmi dove ti sei persa, fiore (Francesco, Cosimo e Damiano Scaravaglione); Kur isha kriatur– Quando ero bambina (Emiliana Oriolo); Pa tij – Senza te (Debora Baffa, Andrea Di Lucente); Katundi im – Paese mio (Giorgio La Valle); Amina (Vicky Macrì, Adriana Ponte). Festival i Këngës Arbëreshe, i organizuar nga Administrata e Bashkisë dhe nga Shoqata kulturore Festival, sivjet e pati ndihmën nga Bashkësia Europiane, nga Krahina e Kalabrisë, nga Administrata e Provinçës së Kozencës, nga Banka Carime dhe nga sponsorizuesit privatë (Matranga Vetro SAS – Mario Conforti e f.lli s.n.c. – De Paola materiale da costruzione). Me shfaqjen e njëzetepestë, Festivali është më shumë se kurrë sprehja e vetëm e muzikës arbëreshe. Është një “Sanremo” i vogël në tokën e Arbërisë, që i shpreh, nëpërmjet këngëve të pabotuara, pasionet muzikore e artistëve të talentuar arbëreshë. Këngë që shpesh shpërhapen edhe në Shqipëri, në Kosovë, në Greqi dhe në vende të tjera në botë. Por Festivali, nuk përbëhet vet nga muzika. Përfaqëson vërtetë një moment shkëmbimi midis kulturavet të ndryshme të territorit italian. Në fakt, pasi i ka strehuar, gjatë vjetëve të kaluara, Friulanët, Oksitanët dhe Sllovenët, programi i kësaj shfaqje e fundit i parashikon grekët e Salentit. Vemprimtaria e tyre do të shpjegohet më 18 gusht, e premte, nga intelektualë dhe përfaqësues institucionalë gjatë kuvendit: “Krahasim midis etnivet, një vitrinë e kulturavet - Grekët e Salentit”. Pason muzika me shfaqjen e grupit Ghetonia, që ka disa vjet që e studjon muzikën origjinale e kësaj zone të Italisë së Jugut. Në këtë muzikë ka një mall shumë të fort dhe të rëndësishëm; është gjurma e paharrueshme në shpirtin e udhëtarëvet dhe të popujvet që migrojnë.