Faqe e parё|Lidhje|Komente

U paraqit libri i poezivet nga poeti popullor Demetrio Piro Shën Mitër.- Administrata e Bashkisë e paraqiti veprën poetike “Ditë pas ditë” të poetit bashkëkohës Demetrio Piro. Shfaqja, që u hap nga përshëndetjet e kryetarit, u zhvillua në Kullexhin historik e Shën Drianit. Mbi veprën foli prof. Anton N. Berisha nga Universiteti i Kalabrisë. Fill pas, autori deshi të falënderonte Administratën e Bashkisë dhe gjithë sa e bënë të mundshëm botimin e librit me ndihmën e tyre. Libri, i botuar nga Administrata e Bashkisë së Shën Mitrit, përmbledh një seri poezish që të pëlqejnë për thjeshtësinë shprehëse dhe për spontaneitetin. Janë poezi për më tepër të improvizuara, që ai realizoi në ngjarje të dryshme, vetëm me qëllim që të përshkruante ndjenja, për të folur me ironi për tema të rëndësishme, o për të treguar fakte që i përkasin gjithë shënmitrotëvet. Sikur poeti donte të hedhte në kartë – shkruan në parathënien e veprës dok.sha Adriana Ponte – atë që sheh, atë që ndien, duke e përkthyer në gjuhën që njeh që fëmijë, arbërishtjen e Shën Mitrit. Është poezi kronike, e lidhur me ndodhitë që pasojnë njëri-tjetrin në katund “ditë pas dite”: një festë, një kuvend, një kremtim, një takim, por edhe një histori, një lindje ose një vdekje. Poeti popullor Demetrio Piro lindi Shën Mitër më 2 shën mërtir (nëntor) 1931. Është autodidakt, dhe shkruan poezi, qoftë arbërisht qoftë italisht, që nga viti 1958. Merr gjithmonë pjesë në çdo ngjarje kulturore, në konkurse poezish, dhe përmendet shumë herë nga revistat kulturore arbëreshe, si “Zjarri”, “Katundi Ynë”, “Kalendari i arbëreshëvet”. Poezitë e tij dalin në botime të dryshme, si: “Enciclopedia calabrese” nga Aldo Rotondaro, “Agenda dei poeti 1993”, “La Voce del Crati”, etj. Shtypi lokal, nëpërmjet korrespondentëve, kujdeset ngaherë për krijmet e tij.