Faqe e parё|Lidhje|Komente

U prezentuan tre vëllimet e parë nga Veprat e Plota e De Radës   Shën Mitër.- U prezentuan, në sallën e teatrit të Kullexhit të Shën Drianit, ditën 9 mars e enjte, tre vëllimet e parë nga Veprat e Plota e Jeronim De Radës (Këngët para Millosaut –Këngët e Serafinës Thopia – Skanderbeku i pafān – Botime Rubbettino). Puna editoriale, e porositur nga Bashkia e Shën Mitrit është realizuar nga studiues nga Uni-versiteti i Kalabrisë. Shfaqja, e organizuar nga Administrata e Bashkisë, nga Universiteti i Kalabrisë dhe nga In-stituti Krahinor për Komunitetin Arbëresh e Kalabrisë, u hap nga kryetari, Sen. Cesare Marini. Ai tha se ideja të botoheshin Veprat e Plota e De Radës e pati qëllimin t’e bënte të njohur veprimtarinë letrare e poetit më të madh arbëresh. Pra kanë ndërhyrë: drejtori i Institutit për Pakicat Gjuhësore, Serafina Loricchio; atasheu kulturor i ambasadës shqiptare në Itali, Kolec Topalli; hartuesja e boti-mit kritik të vëllimit “Këngët e Serafinës Thopia”, Fiorella De Rosa; hartuesi i botimit kritik të vël-limit “Skanderbeku i pafān”, Vincenzo Belmonte; përgjegjësi shkencor i projektit “Opera Omnia” nga G. De Rada, Franco Altimari; përgjegjësi i Konkordancavet elektronike të Vepravet të Plota, Francesco Iusi. Punimet u përfunduan me ndërhyrjen e asesorit provinçal për pakicat gjuhësore Do-natella Laudadio. Vendimi i Bashkisë së Shën Mitrit të botoheshin gjithë veprat e De Radës u le pas kremti-mevet të njëqindvjetorit të vdekjes së poetit nga Maqi (1814-1903), që gjatë vitit 2003 e kujtuan kë-të intelektual dhe letrar të shkëlqyeshëm, nismëtar dhe protagonist i padiskutueshëm i Rilindjes shqiptare dhe arbëreshe të shekullit XIX. Në fund të kremtimevet, Administrata e Bashkisë, e përfaqësuar nga Kryetari, sen. Cesare Marini, dhe Universiteti i Kalabrisë, i përfaqësuar nga Rektori i Universitetit, prof. Giovanni La Torre, me nënshkrimin e një konvente përkatëse, e fillonin botimin e Vepravet të Plota deradiane, zbatimi i të cilit i ngarkohei Degës së Albanologjisë të Universitetit kalabrez. Ishte një ngjarje e vërtetë, që pasonte zotimin e marrë me gojë gjatë hapjes së njëqindvjetorit në sallën e Kullexhit arbëresh të Shën Drianit nga të dyja Entet publike e ndërlikuara: Universiteti i Kalabrisë dhe Bashkia. Të dyja palët me qëllim që bashkëpunonin, secili brenda detyravet themelo-re të ngarkuara, për të bërë më shumë të njohur krijimtarinë letrare origjinale dhe veprën kulturore e mprehtë që Poeti i madh arbëresh ka krijuar gjatë jetës së tij të gjatë dhe të munduar. Në planin, e bashkëlidhur me konventën, dalen veprat e De Radës tashmë të shtypur: që nga botimi i parë i Këngëvet të Millosaut (1836) deri në Testamento politico (1902). Faza e parë, në të cilën bëjnë pjesë veprat që u paraqitën të enjten mbrëma, e parashikon e-dhe botimin e vëllimevet Rapsodie albanesi, Opere grammaticali, Canti di Milosao, Autobiografia, Epistolario dhe të vepravet filozofike dhe politike. Në fund të kësaj faze kanë të kërkohen burime të tjera sa të sigurohet plotësimi i planit me botimin e vepravet: Le Storie d’Albania, I Numidi, Sofoni-sba, Odisse dhe të dyve revistat e rëndësishme deradiane: L’Albanese d’Italia dhe Fiamuri Arbërit. GENNARO DE CICCO

.