Faqe e parё|Lidhje|Komente

Lidhja e Bashkivet Arbëria. Cesare Marini është presidenti  Shën Mitër. Sen. Cesare Marini është Presidenti i ri i Lidhjes së Bashkivet "Arbëria". Ndjek Giuseppe Sangermano-n dhe u zgjodh, njëzëri, gjatë një mbledhjeje që u mba në sallën e këshillit të Bashkisë së Shën Mitrit. Ndërsa, Kryetari i Bashkisë së Vakaricit Aldo Marino është Nën Kryetari i ri. Në ndërhyrjen e tij e parë si President i Lidhjes, sen. Cesare Marini, pasi i ka falënderuar anëtarët e Shoqatës ndërbashkiake për besën që ata i dhanë, e quati veten të bindur se zhvillimi i ardhshëm i bashkivet e vogla buron nga bashkimi i tyre dhe nga planifikimi i përbashkët. Lidhja, e përbërë nga bashkitë e Shën Mitrit, e Shën Sofisë, e Strigarit, e Vakaricit dhe Mbuzatit, është ent lokal me person juridik dhe pavarësi administrative dhe bën pjesë në sistemin e autonomivet lokale. Ka hyrë katër vjet më parë në vend të konsorcit ndërbashkiak "Arbëria", dhe e vazhdon ruajtjen e traditavet arbëreshe, brenda rrethit të territorit të vet, nëpërmjet krijimit të strukturavet të afta për shpërhapjen e pasurisë gjuhësore, kulturore dhe folkloristike. Detyrat e saj: hartimi i planeve rregulluese ndërbashkiake dhe planeve zhvillimi; njohja e thellë e burimevet të bashkivet që bëjnë pjesë në konsorcin; ndërtimi i veprave me interes të përbashkët dhe administrimi i strukturavet për rritjen e pasurisë kulturore të pakicës arbëreshe. Pra, Lidhja ka qëllimin t’e përmirësojë cilësinë e shërbimeve të dhëna, të përfitojë nga burimet ekonomiko-financiare njerëzore dhe prodhimi, t’i japë disa shërbime, si policia e vendit, detyra e mbrojtësit civil, sporteli i vetëm për ndërmarrjet, njoftimet për të rinjtë, shërbimet dhe shfaqjet shoqërore dhe kulturore, mbrojtja civile, hedhja e mbeturinavet, administrimi ujor, përfitimi nga fondet europiane, etj. Burimet finanziare e Lidhjes përbëhen nga ndihma të dhëna nga administratat shtetërore, krahinore dhe provinçale; nga transferime nga bashkitë anëtarë; nga taksa dhe të drejta për shërbimet publike; nga burime për investime dhe nga ndihma të dhëna nga Bashimi Eruropian dhe nga organizme të tjerë.   Gennaro De Cicco