Faqe e parё|Lidhje|Komente

Shpërblime nga Administrata e Bashkisë së Shën Mitrit për Prof. Francesco Altimari dhe për shkrimtarin Carmine Abate Shën Mitër - Prof. Francesco Altimari dhe shkrimtari Carmine Abate e patën nga Administrata e Bashkisë së Shën Mitrit, përkatësisht, çmimin “San Demetrio” dhe çmimin “Arbëria”. Ceremonia e dhënies së pllakëzavet ari dhe të dëshmivet shpërblimi u mba, ditët e kaluara, përpara një publiku të shumtë, në Kolegjin e Shën Drianit. E kryesuan atë Kryetari Av. Antonio Sposato, Nën Kryetari Mimmo De Paola dhe shumë administratorë të tjerë. Ata që gëzuan të drejtën u zgjodhën, njëzëri, nga një komision përkatës e përbërë nga Kryetari, nga këshilltarët e shumicës Gennaro De Cicco, Roberto Siviglia, Damiano Cadicamo, Leonardo De Simone dhe nga këshilltarët e pakicës Demetrio Fusaro dhe Adriano D’Amico. Me këto çmime pushteti lokal desh’të jepte, për vitin e dytë pasues, një shpërblim formal qytetarëvet të merituara dhe personalitetevet arbëreshe që larg nga fshati i lindjes u dalluan në artet, në profesionet dhe në aktivitetin social. Këto janë arsyet kryesore e shpjeguara në vendim: Çmimi San Demetrio: Prof. Francesco Altimari, “studiues i shquar i rrënjëvet tona, akademik me nam ndërkombëtar, i dhënë pas aktivitetit të tij formimi, atë bujar i trashgimisë kulturore arbëreshe për zotimin e tij të vazhdueshëm dhe të palodhur në ruajtjen, vlerësimin dhe nxitimin e gjuhës dhe të letërsisë arbëreshe”. Francesco Altimari është profesor i Gjuhës dhe i Letërsisë Shqipe në Fakultetin e Letërsisë dhe e Filozofisë të Universitetit të Kalabrisë. Në studimet e tij, u muar, kryesisht, me filologjinë shqipe, përveç letërsisë dhe gjuhësisë së fushës italiane dhe ballkanike. Këto kohët e fundit u emërua anëtar i Akademisë së Shkencave të Shqipërisë. Studiuesi i parë arbëresh që bën pjesë në Akademinë, dhe studiuesi i dytë italian, pas juristit Antonio La Pergola, dikur president i Gjyqit Kushtetor italian, ministër dhe anëtar i parlamentit europian. Ka shkruar shumë vepra. Punët e tij të fundit: drejtimi shkencor i botimit të Vepravet të Plota të poetit Jeronim De Rada. Çmimi Arbëria: Prof. Carmine Abate, “letrar i famshëm, shkrimtar i çmuar nga publiku i madh dhe nga kritika, ia ka arritur të transmetonte nëpërmjet suksesit të vet ndjenjat e vendlindjes dhe të origjinave të tij, dhe me botimin e vepravet e shpërndau humanizmin e gjindjes arbëreshe gjithkund, duke e asgjësuar harresën e motit dhe duke kapërcyer çdo kufi dhe pengesë”. Carmine Abate, sot jeton në Trentino, ku mëson, pas një periudhi që kishte emigruar në Gjermani. Botoi për më tepër, librin me poezi “Terre di andata” dhe romanet “La moto di Sanderbeg” dhe “Il ballo tondo”. Në koleksionin Oscar kanë dalë në vitin 2004 “La festa del ritorno” (çmimi përzgjedhje Campiello, çmimi Napoli dhe çmimi Corrado Alvaro) dhe në vitin 2005 “Tra due mari”, për të cilat u zgjodhën të drejtat kinematografike. Romani i tij i fundit është “Il mosaico del tempo grande” (Mondadori, 2006). Librat e tij, që fituan shumë çmime kombëtare dhe ndërkombëtare, janë përkthyer në shumë gjuhë.