Faqe e parё|Lidhje|Komente

Festivali I Këngës Arbëreshe:Fitore Për Debora Baffa Dhe Andrea Di Lucente Shën Mitër - “Pa tij – Senza te” e kënduar nga Debora Baffa e Andrea Di Lucente është kënga që ka fituar Festivalin XXV e Këngës Arbëreshe (pika 181), që u zhvillua të shtunë Shën Mitër. Bëhet fjalë për një pjesë të hollë dhe të përmallshme, të shkruar dhe të vënë në muzikë nga Vincenzo Guaglianone. Arranxhimet muzikore nga Egert Pano. Në vendin e dytë një këngë e kushtuar “Aminës”, e vrarë me gurë në Gazan (Afghanistan) për një dashuri të fshehtë, dhe e e paraqitur publikut nga Vicky Macrì dhe Adriana Ponte (pika 153). Teksti dhe muzika nga Angelo Pagliaro, arranxhimet muzikore nga Luigi Sansò, Roberto Cannizzaro, Franco Iannuzzi, kitarë elektrike Antonio Giraldi, kitarë klasike Mario Gullo. Kurse në vendin e tretë janë Michele Baffa, Giuseppe Baffa dhe Anna Maria Vitteritti me “Të mirat e zëmëres – I beni del cuore” (pika 152). Çmimi i kritikës, i themeluar shtatë vjet praptë për të kujtuar krijuesin e Festivalit Av. Giuseppe D’Amico, u dha ex-aequo këngëvet “Amina” (V. Macrì – A. Ponte) dhe “Shqiponjat e Arbërise – Le Aquile dell’Arbëria”, e kënduar nga Pino Cacozza dhe Ernesto Iannuzzi me bashkëpunimin e grupit etnik Shqiponjat dhe me koreografinë e Renis Kacelit. Këngët fitues u zgjodhën midis pesëmbëdhjetë këngët në garë –të ardhura nga shumë vende- nga një komision popullore që i përfaqësonte të gjitha fshatrat arbëreshe, të emëruar posaçërisht nga Komiteti Organizues i Shfaqjes. Duke pritur vendimin e fundit, pak pushim me muzikën greke e grupit “Ghetonia” nga Calimera në provinçë të Lecce-s. U përsërit kështu krahasimi tradicional midis etnivet të tjera etnike në territorin italian. Gjatë shfaqjevet të kaluara, në fakt, Festivali kishte strehuar përfaqësues friulanë, oksitanë dhe sllovenë. U dhanë çmimet që pasojnë: këngës së parë € 1.500; këngës së dytë € 750; këngës së tretë € 500. Ndërsa, për çmimin e kritikës “G. D’Amico”, dy piktura të realizuara nga artisti Francesco Basile. Njëri i ofurar nga familja d’Amico dhe jetri nga i njëjti autor. Gjatë mbrëmjes Administrata e Bashkisë dhe Shoqata Festival e përkujtuan të mjerin asesor Giuseppino Sica, i vdekur këto kohët e fundit, duke ia dhënë familjes një pllakëz për kujtim, dhe për të dëshmuar zellin e tij e përhershëm në të mirë të shoqërisë dhe të pasionit të tij për Festivalin e Këngës Arbëreshe. Skenografia magjepse, pra, u realizua për nder të një personaliteti tjetër që ka vdekur pak kohë më parë: Ibrahim Kodra, artist i njohur me prejardhje shqiptare. Prandaj, me një sukses të publikut dhe të kritikës, e ulën perden e shfaqjes së pesëmbëdhjetë të Festivalit të Këngës Arbëreshe. Konkursi këngëtar me pjesa të pabotuara arbëreshe e/ose shqipe, i organizuar nga Administrata e Bashkisë së vendit dhe nga Shoqata kulturore përkatëse për të sjellë në skenë propozimet e reja muzikore arbëreshe, e pati ndihmën nga Bashkësia Europiane, nga Krahina e Kalabrisë, nga Provinça e Kozencës, nga Banka Carime dhe nga disa sponsorizues private (Matranga Vetro SAS –De Paola Materiale da costruzione - Mario Conforti e f.lli s.n.c). Një ngjarje këngëtare e jashtëzakonshme që nga viti 1980, kur ka lindur, ku morën pjesë shumë këngëtarë, autorë dhe muzikantë nga të gjithë fshatrat arbëreshë dhe disa herë edhe nga Shqipëria, nga Kosova dhe nga Greqia. Shfaqja u transmetua drejtpërsëdrejti nga Radio Arbëreshe International dhe dhe u muar nga Tele Cassano. U hidhërua Presidenti i Clubit të gazetarëvet arbëreshë Dok. Francesco Baffa për mospraninë e emetuesit RAI.